Scroll to Top

TЕХНИЧКА ПОДДРШКА ПРИ ИЗВЕДБА НА OБЈЕКТ ДИСТРИБУТИВЕН ЦЕНТАР НА ЛИДЛ, КУМАНОВО

viber_image_2024-09-26_13-50-25-603

Објект: Дистрибутивен центар на ЛИДЛ
Локација: Куманово
Површина: 64 000m2
ОПИС:
Проектирањето на рецептурите за бетон е направено во Централна лабораторија АДИНГ со адитиви на Адинг, освен еден адитив кој го немаме во производната програма. Целиот процес од почеток е тимска соработка со гл.вод.мен. Бојан Дамчевски од Техничка Примена.
Проектирани рецептури од ЦЛА во прва фаза од проектот: рецептура за пумпан бетон класа C30/37, Dmax16, XF1, XC2 (за темели), рецептура за пумпан бетон класа C35/45; Dmax16; XF1; XC2 (за темелни чашки), рецептура за пумпан бетон класа C40/50, Dmax16, XF1, XC2 (за темелни чашки).
Проектирани рецептури од ЦЛА во втора фаза од проектот: рецептура за пумпан бетон C30/37, Dmax22.4, XC2, XM2 (за подна плоча), рецептура за обичен бетон класа C30/37, Dmax32, XF4, XМ2 (за коловозна плоча).
Подна плоча, дебелина d=20cm+26cm
Користени производи: Суперфлуид 21М1М, Порочинител, Поростоп.
*Дополнително е употребен ЕКСМАЛ 4 за залевање на монтажни бетонски столбови во темелни чашки.

008
006
005
004
003
002
001

АДИНГ УЧЕСНИК И СРЕБРЕН СПОНЗОР НА II СИМПОЗИУМ ЗА БЕТОНИ ВО ТУЗЛА: БЕТОНИ И ЦЕМЕНТИ ОД НОВАТА ГЕНЕРАЦИЈА

viber_image_2024-09-26_13-50-25-603

Во организација на Институтот ГИТ, Тузла на 28 ноември се одржа вториот симпозиум за бетони на кој се собраа експерти од градежната индустрија, од БиХ и од странство. Институтот кој годинава славеше јубилејни 40 години, ги сподели искуствата преку презентирање на најновите достигнувања во областа на одржливото производство.

На овој сипозиум главна стручна тема беше намалувањето на емисиите на CO2 при производството на цемент и бетон, како и предавања кои се занимаваат со иновативни решенија за одржливо производство на цемент.

Покрај техничките иновации, значително внимание беше посветено и на новите законски рамки за изработката на техничко одобрение за цемент со намалени емисии на CO2. Дискусијата ги опфати новите предизвици на производителите на адитиви за бетон, особено за користење на цемент со ниска содржина на CO2.

Адинг овој симпозиум го поддржа како сребрен спонзор, а воедно се претствивме со предавање на инж. Филип Попорданоски од Техничка Примена на тема ‚‚Additives for Sustainable Cement and Concrete: Case Studies from ADING‘‘.

viber_image_2024-12-02_13-20-05-011
viber_image_2024-12-02_13-20-05-499
viber_image_2024-12-02_13-20-02-988
viber_image_2024-12-02_13-20-03-691
viber_image_2024-12-02_13-20-04-262

Информации за подобрени својства на производите Хидроглет В, Адингколор, Хидрофас Сил и Хидрокол З

viber_image_2024-09-26_13-50-25-603

Изработени се модификации на производите со цел понуда со подобрени својства, квалитет и конкурентни цени. Погледнете ги накратко својства на производите по извршените промени на формулациите.

САНАЦИЈА НА ТУНЕЛИ НА ДЕЛНИЦА „Д.КАПИЈА – СМОКВИЦА“ - АВТОПАТ „ПРИЈАТЕЛСТВО“

viber_image_2024-09-26_13-50-25-603

Системот АДИНГПОКС АКВА повторно во акција. Овој пат ќе се користи за санација на тунелите Т1 и Т2 на автопатот „Пријателство“, на делницата Д.Капија – Смоквица.

Во моментот се прават подготовки на површината за нанесување на системот и производите:  

  • Адингпокс Аква прајмер
  • Адингпокс Аква (бел)
  • Адингпокс Аква 1Б (бела боја)

Станува збор за вкупна површина од 60.000м2, на сите 4 цевки. Изведувач на работите е фирмата „Синтек Инженеринг“ од Скопје, а инвеститор е Јавно Претпријатие за Државни Патишта.

Споделуваме неколку фотограии од моменталната ситуација на терен, нашите инженери од Примена и Институт, вршат „Cross-Cut“ и „Pull-Of“ испитувања, по претходно иведена апликативна проба.

20241022_121030 (Medium)
20241016_112254 (Medium)
20241016_113229 (Medium)
20241022_113807 (Medium)
20241022_115756 (Medium)

ИНГУНИТ ТС ЕКО со одлични перформанси на индустриската проба на тунелот „Лозарево“ во соседна Р.Бугарија!

viber_image_2024-09-26_13-50-25-603

Изминатиот период беа направени индустриски проби за „прскани бетони“ со примена на Ингунит ТС Еко, при тековната изградба на железничкиот тунел „Лозарево“ во Р.Бугарија.

Станува збор за исклучително значаен инфраструктурен проект чија цел е подобрување на регионалниот железнички сообраќај, а главен изведувач на работите е „ГБС – Глобал Констракшн“.

Тунелот, кој е предвиден и проектиран да минува низ предизвикувачки терен, се гради со употреба на „Нов Австриски Метод на Тунелоградба“ (NATM). Оваа метода предвидува изведба на флексибилна примарна подграда од прскан бетон, комбиниран со синтетички фибри и тунелски анкери. Методата ја прави неопходна употребата на адитиви-забрзувачи за безбедност и ефикасноста на целиот процес.

Конкретно, примарната цел на нашииот тим беше изведба индустриската проба со која ќе се процени перформансот на забрзувачот во прсканиот бетон. Во NATM, каде што околниот терен игра активна улога во стабилноста на тунелот, брзото стврднување на прсканиот бетон е од клучно значење за стабилизирање на новоископаните делови и минимизирање на деформациите на теренот.

Притоа, забележани се одлични резултати од примената на ИНГУНИТ ТС Еко во бетонската мешавина. Прсканиот бетон покажа брзо стврднување и ја постигна потребната рана јакост. Ова ќе овозможи побрз напредок на изведбата на тунелот од страна на нашиот клиент „ГБС“, со зголемена безбедност и исполнување на бараните високи стандарди за трајност.

Дел од „атмосферата внатре“ низ фотографии 😊

viber_image_2024-10-17_13-43-50-400
viber_image_2024-10-18_14-11-05-048
viber_image_2024-10-18_14-11-04-916
viber_image_2024-10-17_13-43-52-234
viber_image_2024-10-17_13-43-51-447
viber_image_2024-10-17_13-43-51-206
viber_image_2024-10-17_13-43-50-937

Интензивни 36 часа на новиот мост „БРОДОГРАДИЛИШТЕ“ р.Дунав, Нови Сад, Србија

viber_image_2024-09-26_13-50-25-603

Во целиот изминат период, наши инженери – експерти за бетон се постојано присутни при изведбата на мостот на р.Дунав наречен „БРОДОГРАДИЛИШТЕ“ кој е дел од обиколницата на Нови Сад, Србија.

Проектот го изведува кинеската CRBC која во континуитет наназад ги користи нашите производи, но и технологиите и решенијата за бетони од нашите луѓе.

Конкретно, за 36 часа:

– Вградени се  2400 m3 бетон, тип C35/45, V-I, M-100.
– Користен е цемент Lafarge CEM II / B-M (S-V) 42,5N, LH
– Применети се нашите адитиви: Суперфлуид 21МЕКО и Успорувач Д2.

Специфично за овој случај беше направеното прилагодување на вообичаената рецептура при дозирањето на Успорувач Д2, која изнесува 0.3%. Истото е зголемено и со тоа се овозможи ревибрирање на бетонот и спојување помеѓу слоевите во период од повеќе од 6 часа.

20241016_175402_resized
20241016_183237_resized
20241017_103636_resized
20241017_104207_resized

Есенски дел од презентациите за малопродажниот сегмент од производната програма

Во есенскиот дел беа одржани неколку презентации, а како продолжение на успешните презентации во првиот дел од годината.

На 18.09. бевме во градот Неготино, каде одржавме презентација пред соработниците на нашиот продажен партнер “Де-Ро“. На 01.10. во Скопје бевме домаќини на соработниците на “Фриго Шоб’, а на 09.10. бевме во Радовиш кај нашиот прдажен партнер „Валентина – Промет“. 

Работните теми беа, презентација на новитетите во производната програма и применски совети од нашите експерти од Техничка примена. Акцентот беше ставен на производите за завршни работи во градежништвото, фасадните системи, лепилата за керамика, хидроизолациите, смесите за израмнување. 

Дел од атмосферата низ фотографии.

АДИНГ на „СФЕРА 2024: Технологија на бетон“

XIV меѓународна конференција „СФЕРА 2024: Технологија на бетон“ се одржа на 21 и 22 февруари во хотел Хилс, Сараево, во организација на Сфера и регионалното стручно списание м-Квадрат. Коорганизатори на конференцијата беа Градежниот, Архитектонскиот и Геодезискиот факултет – Универзитет Мостар, Универзитетот Загреб, Градежен факултет Сараево, ГИТ Институт Тузла, ИГХ Институт Загреб, Архитектонско – Градежен факултет – Бања Лука, Меѓународниот универзитет Бурч, Технички факултет – Универзитет Бихаќ.

slika 1

Адинг беше пријател и поддржувач на конференцијата и заедно со соработниците Е Пласт од БиХ ги презентиравме нашите производи и нивната примена, како и трендовите и новитетите. Целта на организаторите беше да ја спојат професијата и науката на едно место и да овозможи воспоставување на соработка и можност за размена на искуства и знаења. Во текот на два дена се одржаа вкупно 17 тематски предавања на кои експерти зборуваа за конкретни технологии.

На конференцијата беа презентирани прописите и стандардите на технологијата за бетон, искуства во процесот на градење, научно-технолошки достигнувања во производството и примената на материјали за изработка на бетон, можностите за подобрување и услови за примена. Целта на дискусијата беше размена на знаење и искуство од разни области од инженерството и отворање на можноста за воспоставување меѓународна соработка.

АДИНГ НА МЕЃУНАРОДНА НАУЧНА КОНФЕРЕНЦИЈА ВО
ЦРНА ГОРА “ГРАДЕЖНИШТВО - НАУКА И ПРАКСА” 2024

IX меѓународна конференција “ГРАДЕЖНИШТВО – НАУКА И ПРАКСА” ГНП 2024 се одржa од 05 – 09.03.2024 година во Колашин, Црна Гора, во организација на Градежниот факултет, Комората на градежни инженери и Инженерската комора на Црна Гора.

sl1

Конференцијата симболично ја одбележува 45 годишнината од разорниот земјотрес во Црна Гора, со тоа што главна тема е “Сеизмички отпорни конструкции“. На конференцијата присуствуваа околу 350 учесници каде преку предавања и презентации беа разменети идеи, искуства и најнови достигнувања во градежништвото.

Адинг како долгогодишен поддржувач на конференцијата, годинава одржа презентација каде беа претставени искуствата од примена на материјали на реализирани проекти во Црна Гора и регионот.

Интервју за МИА на директорот на техничка
примена и продажба Даниел Цеков

Даниел Цеков д.г.и. е Заменик претседател на УО на Здружението за градежништвото индустријата на градежните материјали и неметалите при Стопанската комора и говори за долгогодишните проблеми на градежниот сектор и со што сè се соочени домашните производители и градежни изведбени компании.

Интервју на директорот на техничка примена и продажба Даниел Цеков: Градежните материјали нема да поевтинат, домашните производители „втори“ снабдувачи

Презентации за партнери од
малопродажбата и нивни соработници

Наши тимови составени од експерти од секторите Техничка примена, Комерција и Маркетинг, успешно организираа серија презентации во соработка со малопродажните соработници на Адинг.

Присутните имаа можност да се запознаат со производите на Адинг за завршна обработка (фасадни системи, лепила за керамика, хидроизолации) и со новите, актуелни производи. На презентациите имавме убава атмосфера за работа и одличен пречек од продажните партнери и нивните соработници, кои беа расположени за дискусија и тестирање на производите.

Голема благодарност до продажните соработници, како и на сите мајстори и изведувачи кои одвоија време да дојдат, да се дружат со нас и заеднички да споделиме стручни искуства.

Дел од атмосферата на презентациите низ фотографии.

sl1

* Презентација, Кочани 11.04.2024, продажен партнер ‚‚Градежен центар Кузе 2000”.

* Презентација, Велес 05.04.2024, продажен партнер ‚‚Пролет Комерц”.

* Презентација, Битола 14.04.2024, продажен партнер ‚‚Мел Проект Инженеринг”.

* Презентација, Скопје 13.03.2024, продажен партнер ‚‚Самикс”.

* Презентација, Струга 23.02.2024, продажен партнер ‚‚Набизи”.

Одбележани 37 години од големата
фабричка несреќа во АДИНГ

Во спомен на загинатите во големата фабричка несреќа во Адинг, денес на 13.05. беше положено свежо цвеќе на нивното спомен обележје и им беше оддадена почит од присутните вработени.

На 12.05.1987 година, во Адинг се случува ненадејна експлозија во која животот го загубија 7-те наши вработени:

Драган Дугалиќ – д.г.и.;

Зоран Тодоров – техничар;

Љупчо Зилковски – техничар;

Халим Рамадан – процесен работник;

Нехат Муртези – процесен работник;

Сали Шаќири – виљушкарист;

Слободан Петровски – виљушкарист.

Слава им!

ГОДИШНО СОБРАНИЕ НА АКЦИОНЕРИ 2024

На 29.Мај, се одржа редовното Годишно собрание на акционери за 2024 година.

Пред пристуните акционери, Претседателот на управен одбор и генерален директор Петровски Зоран ги презентираше резултатите од работењето за изминатата 2023 година, со дополнителен краток осврт на динамиката и темпото од првите месеци во 2024 година.

Понатаму, согласно дневниот ред беа изгласани предлог одлуките и истите се достапни на веб страницата и на линковите дадени подоле.

За усвоените одлуки од Собранието на следниот линк: Собрание на акционери 2024.

За „Годишниот извештај 2023” на следниот линк: Годишен извештај 2023.

За настанот низ фотографии:

ЈУБИЛЕЕН 55-ТИ РОДЕНДЕН НА АДИНГ


Повеќе од пет децении сме позиционирани како водечки бренд во градежната хемија во Македонија и поширокиот регион, одржувајќи континуиран квалитет и иновативност. Во овие 55 години компанијата растеше и напредуваше, прераснувајќи во синоним за знаење и искуство.

На 30-ти мај во фабричкиот двор на Адинг беше одржан интерен настан за сите наши вработени. Се доделија признанија на вработените кои се дел од компанијата 10, 20, 25 и 30 години, а беа врачени и рачно изработени реплики од „Молекулот – симбол на АДИНГ”, како признание за поранешните вработени.

Настанот беше можност да се собереме сите на едно место и да си честитаме за изминатите години, целиот труд, посветеноста и лојалноста кон компанијата. Како што истакна и Претседателот на УО и генерален директор Зоран Петровски, успехот е резултат на заедничката, тимската работа и максималната вклученост на сите во работата.

Овој настан се одржа во нашиот фабрички парк, комбиниран со добра музика и весели лица на нашите луѓе.

Интервју за „ПУТ ПЛУС“ со Даниел Цеков,
Заменик генерален директор и директор
на техничка примена во АДИНГ

Заменик генерален директор и директор на техничка примена Даниел Цеков, во интервју за „ПУТ ПЛУС“ – регионално списание за нискоградба и сообраќај, говори за 55 годишното искуство за пласман на производи од градежната хемија и постојаната иновативна техничка поддршка како клуч за успехот на Адинг во регионот.

Интервју за ПУТ ПЛУС на Даниел Цеков, Заменик генерален директор и директор на техничка примена

АДИНГ НА ЦЕРЕМОНИЈАТА ЗА ДОДЕЛУВАЊЕ ДИПЛОМИ
НА ГРАДЕЖНИОТ ФАКУЛТЕТ И НА 65. ГОДИНИ ЈУБИЛЕЈ НА
ТЕХНОЛОШКО-МЕТАЛУРШКИОТ ФАКУЛТЕТ

Во континуитет соработуваме со факултетите од каде доаѓаат голем дел од нашите вработени, Градежниот факултет и Технолошко-металуршкиот факултет од Скопје.

Годинава на церемонијата на доделување на диполоми на Градежен факултет ја доделивме наградата за „Најдобра магистерска или дипломска работа од областа градежништво“. Годинава наградена беше Марија Менчевска д.г.и., за магистерска работа на тема: „Влијание на отпаден пепел од согорената дрвена биомаса врз физичко-механичките карактеристики на цементните материјали“.

На Технолошко-металуршкиот факултет кој обележа 65 години постоење на 20 Јуни, деканот проф. д-р Стефан Кувенџиев додели признание за придонесот на АДИНГ во развојот и унапредувањето на наставно-образовната, научната и апликативната дејност на факултетот. Признанието го прими генералниот директор Зоран Петровски.

Честитки за јубилејот и посакуваме уште многу успешни соработки.

Доделување награда на Градежен Факултет, Скопје (19.06.2024)

00000.jpg

Доделување признание на Технолошко-металуршки факултет (20.06.2024)

АДИНГ СО ПОДДРШКА И УЧЕСТВО НА МЕЃУНАРОДНО
НАУЧНО-СТРУЧНО СОВЕТУВАЊЕ ВО ВРЊАЧКА БАЊА, Р. СРБИЈА

Од 19.06 до 21.06.2024 се одржа  XIII Меѓународно научно-стручно советување на тема „ПРОЦЕНКА НА СОСТОЈБАТА, ОДРЖУВАЊЕ И САНАЦИЈА НА ГРАДЕЖНИ ОБЈЕКТИ”.

АДИНГ заедно со АДИНГ Белград и овој пат беше генерален спонзор на настанот кој е во организација на Друштвото на градежни инженери на Србија, а кои на едно место ја собраа дел од градежната научна и стручната фела од регионот.

Никола Узунов дел од тимот на Техничка Примена имаше комерцијално претставување на компанијата, додека Диме Јанчев, директор на Институт и Производство имаше презентација на тема „Малтери за одржливо градење“.

Сите присутни на симпозиумот беа наши гости на тематската „Македонска винска вечер“ во која уживавме во вината на винаријата „Попова кула“.

На фотографиите дел од атмосферата:

ПОСАКУВАМЕ ДОБРЕДОЈДЕ НА МИЛОШ ТОЛИМИР ВО АДИНГ СРБИЈА!

viber_image_2024-09-26_13-50-25-603

Ве информираме дека од втората недела во Декември, тимот на Адинг Србија се засили со уште еден нов вработен.

Милош Толимир, доаѓа од Високата Струкова Градежна Школа во Белград и својот кариерен пат ќе го продолжи заедно со нас.

Милош е млад и енергичен човек и веќе деновиве е на терен со нашиот Срѓан Илиќ. Ќе биде наш гостин за време на престојните состаноци, кога ќе имаме прилика да се запознаеме.

Му посакуваме успех понатаму!

АДИНГ СЕ ПРИКЛУЧУВА КОН ХУМАНИТАРНАТА ОРГАНИЗАЦИЈА „ДОНИРАЈ КОМПЈУТЕР“

viber_image_2024-09-26_13-50-25-603

Голем процент на децата немаат достапност до компјутери и не се во можност да истражуваат и дигитално да се едуцираат.

Дел од застарената опрема ја дониравме за да помогнеме на децата и да им овозможиме дополнително дигитално образование.

Компјутерската опрема ја презема хуманитарната организација ‚‚Донирај компјутер‘‘ и заедно со нивна помош ќе помогнеме дел од децата да имаат пристап до компјутер и едукативни дигитални содржини.

ПО ПОВОД ДЕНОТ НА ДЕТЕТО, ДОДЕЛЕНИ НАГРАДИТЕ И ПРИЗНАНИЈАТА ЗА ‚‚НАЈДОБАР ЦРТЕЖ ОД ДЕЦАТА НА НАШИТЕ ВРАБОТЕНИ‘‘

viber_image_2024-09-26_13-50-25-603

Во периодот од 25.10. до 08.11.2024. организиравме ‚‚Конкурс за најдобар детски цртеж‘‘ на тема: РАБОТНОТО МЕСТО НА МОЈОТ РОДИТЕЛ.

Формиравме тричлена комисија за оценка на пристигнатите цртежи, која пак определи 6 наградени цртежи во две возрасни категории. Наградите се парични и ќе се иксористат наменски за поддршка на дополнителни воншколски активности наградените деца.

Наградени во категорија до 8 години:

1 место: Војдан Каратуков;
2 место: Ема Гиновска;
3 место: Стефан Костиќ.

Наградени во категорија од 9-14 години:

1 место: Софија Стојаноскa
2.место: Теа Петрушевска;
3.место: Лука Димовски.

Целта на конкурсот е да ја стимулираме детската имагинација и да ги поддржиме децата на вработените во активностите за психо-физички развој преку дополнителни воншколски активности.

Како и секогаш, детската имагинација изненадува и не ве остава рамнодушни, уживавме во целиот процес.

1
2
3
4
5

СО ОВОШЈЕ ДО ПОДОБАР ИМУНИТЕТ ВО СЕЗОНАТА
НА НАСТИНКИ

viber_image_2024-09-26_13-50-25-603

Целта на оваа едномесечна акција е симболично да се потсетиме дека потребно е да бидеме одговорни кон нашето здравје! Потребно е да градиме здрави навики и ова е јасно дефинирано во нашиот Кодекс на Однесување во делот „ЗА ОДГОВОРНОСТА“ (кон себе).

Средината на месец Ноември е избрана за почеток на акцијата и во оваа тест фаза истата ќе се спроведе само во рамки на матичната компанија. Зависно од успешноста истата ќе се повтори и прошири.

Започнува од 18.11. понеделник и ќе трае до 16.12.2024.

Милица, Ивана, Валентина, Божидар, Раде се првите волонтери, останатите се поканети доколку се расположени за поддршка 😊

Конкурс за најдобра фотографија од Адинг за
2024/2025 година

viber_image_2024-09-26_13-50-25-603

Центар за Едукација Адинг (ЦЕА) објавува „Конкурс за најдобра фотографија од АДИНГ 2024/25“.

Конкурсот е од јавен карактер и на него може да да земат учество вработени, соработници, надворешни лица.

Темата на фотографијата може да биде од специфична или општа природа и треба да ја доловува или пак да е поврзана со суштината на работењето на компанијата.

Наградниот фонд предвидува по една месечна награда, како и годишна награда за прво, второ и трето место.

Наградените фотографии од последниве 2 месеци (ноември и декември 2024) нема да бидат вклучени за избор за годишна награда.

Фотографиите спратете ги на адреса: foto@ading.com.mk

За сите дополнителни прашања тимот на ЦЕА ви стои на располагање.


Целосна информација може да ја погледнете овде.

КОНКУРС ЗА НАЈДОБАР ДЕТСКИ ЦРТЕЖ ОД ДЕЦА НА ВРАБОТЕНИ ВО АДИНГ

viber_image_2024-09-26_13-50-25-603

Целта на конкурсот е да ја стимулираме детската имагинација и да ги поддржиме децата на вработените, во активностите за психо-физички развој преку дополнителни воншколски активности.

Тема на конкурсот е: РАБОТНОТО МЕСТО НА МОЈОТ РОДИТЕЛ.

Времетраење: Од денот на објавување 25.10. до 08.11.2024.

Возрасни категории: 

  • Деца на возраст до 8 години
  • Деца на возраст од 9 до 14 години.

*Услови: Конкурсот важи само за децата на вработените. Секое дете учествува со по еден цртеж. Секој цртеж е потребно да биде потпишан со шифра. Цртежот се доставува во служба Маркетинг, каде ќе биде запишана шифрата и името на вистинскиот автор. Секој родител ја најавува дополнителната активност на која детето веќе учествува или ќе учествува, за каде ќе бидат наменети парите од евентуалната награда.  

Резултати: На 15.11.2024 ќе биде направена интерна објава, а по повод „Денот на детето” на 20.11.2024 резултатите ќе бидат јавно објавени.

Награди: Наградите се доделуваат и во 2-те наведени категории. Наградите се наменети и треба да се искористат наменски, за поддршка на дополнителни воншколски активности на наградените деца (едукативни курсеви, спортски активности и сл.). 

Прво место: Ваучер од 8000 ден.
Второ место:  Ваучер од 6000 ден. 
Трето место: Ваучер од 4000 ден. 

Комисија за Конкурсот: Петровска Александра, Андова Бисера, Стојановска Симона.

Им посакуваме среќа и успех 😊

Адинг на Скопски Маратон 2024

viber_image_2024-09-26_13-50-25-603

Адинг на Скопски Маратон 2024
На годинешниот 20-ти јубилеен „ВизЕр Скопски маратон“ кој се одржа на 06.10.2024 во Скопје настапија рекордни 13.400 натпреварувачи од 55 земји.

Во однос на претходните години, годинава бевме најбројни, приближно 40 претставници трчаа на хуманитарната трка од 5км, а имавме и еден полумаратонец на 21км.

Тимот на Адинг во машка конкуренција го зазема 18 место од 199 компаниски тимови учесници со пресметано време од 1:39:16. Во женска конуренција бевме на 36-то место со време од 02:06:52

Најбрзите наши вработени во машка и женска конкуренција (5 км) како и вработените кои успешно го завршија полумаратонот (21км), се добитници на награди во вредност од по 5.000
денари.

Најбрзиот од наши вработени во машка конкуренција (5 км) е Тоде Петрески со време од 00:24:08, додека Ивана Стојаноска е со најдобро време од 00:29:50 во женска конкуренција.
Полумаратонот од 21км, Ивица Спасовски го истрча за време од 2:12:58.

Честитки за учесниците, догодина уште побројни и поуспешни!

2
3
4
1

ВАЖНИ ИНФОРМАЦИИ ЗА „СКОПСКИ МАРАТОН 2024“

viber_image_2024-09-26_13-50-25-603

Ве молиме запазете неколку важни информации за Скопскиот маратон:

Подигнувањето на стартните пакети за Скопски маратон 2024, ќе биде ЛИЧНО на 4 и 5 октомври во Спортскиот Центар “Јане Сандански“ во населбата Аерoдром.
Работното време на Маратон ЕКСПО:
– Петок (4 октомври 2024) | 10.00 до 20.00 ч.
– Сабота (5 октомври 2024) | 10.00 до 20.00 ч.

При подигање на стартните пакети потребно е да се покаже потврдата која ќе ја добиете на емаил со QR код или документ за лична идентификација. Без овие документи нема да може да се подигне стартниот пакет.

*ВАЖНО! На денот на трката (6 октомври 2024) нема да се издаваат стартни пакети.

Збирно место и време: Од 7:20 – 7:45 ч., на пешачката патека пред влезот на гаражата на ГТЦ (од левата страна, на истата локација како лани).

Дрес код 😊: Спортските брендирани маици

Афтер парти: По завршувањето на трката, откако сите ќе се собреме на тревникот (некогашната куќа на Мајка Тереза), одиме на кафе во „Бела Виста – Кеј“.

Определени интерни награди со одлука на УО:

Компанијата го цени напорот и издвоеното време на вработените за спорт и рекреација, а ќе ги награди најдобрите поединци со првите официјални најдобри времиња во Женска и Машка конкуренција на 5 км.

Исто така трчањето на полумаратон го сметаме за посебен подвиг и самото успешно завршување на трката ќе биде наградено.

  • Награда за најдобро официјално време помеѓу вработените во Женска категорија: 5000 ден.
  • Награда за најдобро официјално време помеѓу вработените во Машка категорија: 5000 ден.
  • Награда за успешно завршена трка на 21 км.:  5000 ден.

Се гледаме во Недела.

viber_image_2024-10-01_14-32-28-076
viber_image_2024-09-13_08-03-37-660

ДА ГИ ПОДДРЖИМЕ НАШИТЕ ЧЕТИРИ ПРЕТСТАВНИЦИ НА „SKOPJE RUN 2024” (ИВАНА СТОЈАНОВСКА, ГОРАН МАНЕВСКИ, ИВИЦА СПАСОВСКИ, ТОДЕ ПЕТРЕСКИ)

viber_image_2024-09-26_13-50-25-603

Ве информираме дека Ивана, Горан, Ивица и Тоде се наши 4-ца претставници на Business Run 2024, a како официјален тим пријавен од АДИНГ. Ќе се натпреваруваат во Штафетно трчање со 4 измени (4 х 2000 m.).

Датум: Четврток, 26 септември 2024
Време на почеток: 18.00 ч.,
Збирно место: Стартно – целна рамнина – пред Cevahir Mall Skopje.
Прогласување победници: 19:30 часот

After Run Beer Party
По трката и прогласувањето на победниците предвидена е забава и дружење, со гратис пиво и музика.

Доколку сакате комплетно да се информирате кликнете на линкот:
https://prvdovrv.mk/businessrun

Им посакуваме успешно учество и се гледаме таму!

 
viber_image_2024-05-12_08-53-35-710
1212121

Новости

TЕХНИЧКА ПОДДРШКА ПРИ ИЗВЕДБА НА OБЈЕКТ ДИСТРИБУТИВЕН ЦЕНТАР НА ЛИДЛ, КУМАНОВО

АДИНГ УЧЕСНИК И СРЕБРЕН СПОНЗОР НА II СИМПОЗИУМ ЗА БЕТОНИ ВО ТУЗЛА: БЕТОНИ И ЦЕМЕНТИ ОД НОВАТА ГЕНЕРАЦИЈА

Информации за подобрени својства на производите Хидроглет В, Адингколор, Хидрофас Сил и Хидрокол З

САНАЦИЈА НА ТУНЕЛИ НА ДЕЛНИЦА „Д.КАПИЈА – СМОКВИЦА“ - АВТОПАТ „ПРИЈАТЕЛСТВО“​

ИНГУНИТ ТС ЕКО со одлични перформанси на индустриската проба на тунелот „Лозарево“ во соседна Р.Бугарија!

Интензивни 36 часа на новиот мост „БРОДОГРАДИЛИШТЕ“ р.Дунав, Нови Сад, Србија

Есенски дел од презентациите за малопродажниот сегмент од производната програма

АДИНГ на „СФЕРА 2024: Технологија на бетон“

АДИНГ НА МЕЃУНАРОДНА НАУЧНА КОНФЕРЕНЦИЈА ВО
ЦРНА ГОРА “ГРАДЕЖНИШТВО - НАУКА И ПРАКСА” 2024

Интервју за МИА на директорот на техничка примена и продажба Даниел Цеков

Презентации за партнери од малопродажбата и нивни соработници

Одбележани 37 години од големата фабричка несреќа во АДИНГ

ГОДИШНО СОБРАНИЕ НА АКЦИОНЕРИ 2024

ЈУБИЛЕЕН 55-ТИ РОДЕНДЕН НА АДИНГ

Интервју за „ПУТ ПЛУС“ со Даниел Цеков, Заменик генерален директор и директор на техничка примена во АДИНГ

АДИНГ НА ЦЕРЕМОНИЈАТА ЗА ДОДЕЛУВАЊЕ ДИПЛОМИ
НА ГРАДЕЖНИОТ ФАКУЛТЕТ И НА 65. ГОДИНИ ЈУБИЛЕЈ НА
ТЕХНОЛОШКО-МЕТАЛУРШКИОТ ФАКУЛТЕТ

АДИНГ СО ПОДДРШКА И УЧЕСТВО НА МЕЃУНАРОДНО
НАУЧНО-СТРУЧНО СОВЕТУВАЊЕ ВО ВРЊАЧКА БАЊА,
Р. СРБИЈА

Соопштенија и Активности

Работно време „31.12.2024“

Новогодишна прослава

ПОСАКУВАМЕ ДОБРЕДОЈДЕ НА МИЛОШ ТОЛИМИР ВО АДИНГ СРБИЈА!

Претстава : „Музика на мојата птица“

„СВ.Климент Охридски“

АДИНГ СЕ ПРИКЛУЧУВА КОН ХУМАНИТАРНАТА ОРГАНИЗАЦИЈА „ДОНИРАЈ КОМПЈУТЕР“

„Ден на албанската азбука“

ПО ПОВОД ДЕНОТ НА ДЕТЕТО, ДОДЕЛЕНИ НАГРАДИТЕ И ПРИЗНАНИЈАТА ЗА ‚‚НАЈДОБАР ЦРТЕЖ ОД ДЕЦАТА НА НАШИТЕ ВРАБОТЕНИ‘‘

СО ОВОШЈЕ ДО ПОДОБАР ИМУНИТЕТ ВО СЕЗОНАТА
НА НАСТИНКИ

Конкурс за најдобра фотографија од Адинг за 2024/2025 година

КОНКУРС ЗА НАЈДОБАР ДЕТСКИ ЦРТЕЖ ОД ДЕЦА НА ВРАБОТЕНИ ВО АДИНГ

„Ден на македонската револуционерна борба“

„Ден на народното востание на Македонија“

Адинг на Скопски Маратон 2024

ВАЖНИ ИНФОРМАЦИИ ЗА „СКОПСКИ МАРАТОН 2024“

ДА ГИ ПОДДРЖИМЕ НАШИТЕ ЧЕТИРИ ПРЕТСТАВНИЦИ НА „SKOPJE RUN 2024” (ИВАНА СТОЈАНОВСКА, ГОРАН МАНЕВСКИ, ИВИЦА СПАСОВСКИ, ТОДЕ ПЕТРЕСКИ)

„Ден на независноста“

„Успение на Пресвета Богородица“

Skopje Run 2024